Anschlagkasten Stufe Yeshana

Liebi Yeshana's

 

De Samstig 9.11.2019 isch wieder Cevi vom 14:00 bis am 17:00 im Juhu

 

Das Mal aber gahts nachem 5ii no wieter und zwar isch den de Räbelichtliumzug in Altstette. De startet am 6ii bim Loogarte (dete wo mer amal Cherze ziehnd ;)) und gaht bis am 7nii - ufem Lindeplatz. Nehmed au das Mal chli Geld mit für den ee Wurst oder en Tee.

Die wo hend - nehmed doch eui Räbe mit. Wenn ihr no keini hend, chönder au im Juhu bim Zvieri no eini schnitze ;).

Suscht münder eifach gueti Schuh aalege und warmi Chleider. MIr sind die ganz Ziit duuse und es chan am 7nii doch ziemlich chalt werde... - Als leged eu warm gnueg aa.
Au mit debi haa söttet ihr eues Sackmesser und eues Camping-Gschirr.

De Gruppekassebiitrag isch das Mal 5 Franke.

-- Oh und bevor mirs vergessed... Es git neu en Yeshana Chat mit allne Mädels:)
Leider hemer aber nonig all Nummere. Also - falls du es Handy hesch und Whatsapp + gern mit im Chat wärsch, bitte eifach dini Handynummer mit zum Programm neh. Handy selber bliebt natürlich diheime;)

Mir freued üs mega eu alli bald wieder z'gseh  :)

Eui Leiterinne

Kiwi und Aqua

 

P.S. Wer nid mit debi sie chan, söll sich doch bitte bis am Fritigabig bi de Aqua (078 820 04 83) abmelde. 

Durch eui Abmeldig am Fritigabig, chönd mir allefalls no umplane und den au de Zvieri dementsprächend chaufe.

 

Danke

Zofe-Prüefig - de ersti Schritt zu euere eigene Krawatte :)

Liebi Yeshana-Mädels

Bald isches so wiiet - mir hends eu ja au scho paar Mal aakündet :) Aber etzt isches offiziell...

Eui Zofe-Prüefig rückt immer nöcher. Die isch vorussichtlichim Summer - also scho ganz ganz gli :))

Ide Zofe-Prüefig werded ihr eues erste Cevi-Wüsse zeige und eu so eui ersti Krawatte verdiene :) Wie ihr ja scho gmerkt hend sind mir immer wieder öpis neues am Lerne - alles wo mir so lerned wird viellicht den Mal chli abgfrögt :)

Aber kei Angst - isch natürli nid ee Prüefig wie ide Schuel... :) Immerhin isches ja Cevi ;)

Damit ihr super vorbereitetet sind und natürli alles Wüssed, lueged mir das mer ii de Programm amal chli die Sache dönd aaluege.

Für Frage zu de Zofe-Prüefig chönd ihr eu natürli immer ad Aqua wende (078 820 04 83) - sie beantwortet eu die Frage natürli sehr gern :)

Ganz liebi Grüessli

Eui Yeshana-Leiterinne
Kiwi und Aqua

Keine Einträge vorhanden
download
Thema Blachen & Zelt
download
Thema Erste Hilfe
download
Thema Feuer
download
Thema Geschichte
download
Thema Kartenkunde
download
Thema Materialkunde
download
Thema Natur
download
Thema Singen
Seite 1 von 1